Cette page n’a pas encore été corrigée
images sont rapportees & refutees par Galeotus ; celles-cy sont les plus pressantes: En ces images gravees sur de l’or, qu’on fait contre la pierre, & la douleur des rheins, l’or de sa nature ne guarit pas les rheins, moins doncques l’image, laquelle estant sans vie, ne peut pas alterer l’or, & le faire passer en une autre nature. En l’image encore il ne se trouve ny action ny passion: davantage, l’or de soy-mesme, figuré ou non, est tousjours d’une mesme espece, & par consequent le rayon de l’Astre agit tousjours d’une mesme façon, que s’il agissoit plustost sur l’or figuré que sur le simple, il sembleroit que ceste action procedast plustost de l’election du ciel, que d’ailleurs. Et bref la vertu qu’on donne à ceste figure ne peut estre
