Cette page n’a pas encore été corrigée
à ceux qui les ont veu arriver: Ainsi le grand Pic Comte de la Mirande, qui pour avoir mesdit des Astrologues plus que jamais homme ne fit, fut appellé flagellum Atstrologorum, trouva en fin que Lucius Bellancius Syenois ne se trompa point au jugement qu’il fit sur son horoscope ; car il luy predit qu’il finiroit ses jours en l’aage de trente-quatre ans, comme il fit. Jonctin Italien aussi que la belle Florence veit naistre, avoit-il pas predit encore qu’il mourroit de mort violente au mesme jour qu’il fut accablé des livres de sa Bibliotheque ? ne perdons point la veuë & le cerveau à fueilleter les livres, pour chercher d’avantage d’exemples, nostre France ne nous en a que trop monstre, & ne faut
