Cette page n’a pas encore été corrigée
heures environ à dix des nostres ou le Soleil plus eslevé ne pouvant plus donner à costé de la corne, pour marquer de son ombre les heures qui suivoient, le cercle suppleoit à ce defaut, marquant presque jusques deux heures apres midy ; & par apres le Soleil descendant, l’autre corne du croissant commençoit à marquer jusques à la nuict : Par ainsi des douze heures du jour, le cercle en marquoit tousjours quatre, qui estoient depuis dix jusques à deux heures apres midy: & ceste espace est encore appellee de tous Orientaux Midy : divisant naturellement le jour en trois, Matin, Midy & Vespre, ayant laissé perdre l’usage des horloges comme a remarqué Scaliger. Pour les heures de
