Cette page n’a pas encore été corrigée
Ils passent bien plus avant quand ils disent que suivant la cognoissance de ses secrets, Moyse qui estoit sçavant Astrologue, publia les loix qu’il fonda sous l’harmonie de ces Zephiros Planeteres ; comme pour exemple, qu’il institua le quatriesme commandement, SOVIENNE TOY DE SANCTIFIER LE JOUR DU SABBAT, à cause que de jour estoit gouverné par Saturne Planette malin, qui pourroit causer du mal-heur aux œuvres esquelles on travailleroit, c’est pourquoy disent-ils Moyse jugea de se reposer ce jour là. Le cinquiesme, HONORE TON PERE ET TA MERE, le rapporta à l’asphere de Jupiter qui est doux & benin. Le sixieme, TU NE TUERAS
