Cette page n’a pas encore été corrigée
longues, larges, cheveluës, selon que la matiere est disposee ; de mesme la masse de la Nuë peut estre formee par le vent qui la porte, en dix mille figures estranges à nostre regard, mais toutes autres en elle mesmes ; par ainsi la premiere raison des susdits est destruite. La deuxieme a plus de force en apparence, mais en effect elle n’en a du tout point : car si l’histoire des Machabees dit qu’on veit ces espouventables armees dans les nuës durant quarante jours ; elle ne definit pas ce qu’elles estoient, mais seulement dit ce qu’elles apparoissoient à ceux qui les regardoient : Or leur veuë pouvoit estre trompee, par la forte imagination de les avoir veuës une fois, comme il arrive assez souvent en pareille ma-
