Cette page n’a pas encore été corrigée
vents causez par les fumees du Comette, & descendus dans les autres & lieux sousterrains, comme asseure le mesme Kepler, mais par les souffles causez naturellement dans la terre par une grande chaleur, lesquels cherchans une sortie, & ne la trouvant pas, par une estrange violence, causent ce mouvement, suivi presque tousjours de quelques maladies causees par les puantes vapeurs qui s’eslevent des antres. Dauantage l’air eschauffé, & la malice de la matiere esteinte, ou bien lors qu’elle commence à monter, eschauffant nostre sang, portent les Grands desja secs à des fureurs estranges, d’où s’ensuivent les guerres & batailles, heresies, & mille autres malheurs: Ainsi veid-on un peu auparavant les guerres du
