Cette page n’a pas encore été corrigée
pareillement introduit un Chisme dans le siege de Sainct Pierre, soustenant chacun un de ces Evesques, les porterent à de tres-grands excez. Les Liegeois en favorisent aussi un, & Jean Duc de Bourgongne l’autre ; en fin ce Duc plus puissant que son ennemy luy livre la bataille au mesme lieu où les Oyseaux l’avoient donnee, & en emporte la victoire avec la perte de trois mille Liegeois. Le mesme arriva en l’an 1484. lors que Louys d’Orleans combatit contre Charles Ⅷ. & sans m’arrester d’avantage, voyez un bon nombre de semblables presages dans le susdit Scleikel, & dans Belle-Forest, n’estant pas nostre dessein de les rapporter, mais d’en examiner la cause. Nous disons donc que les Oyseaux
