Cette page n’a pas encore été corrigée
en ces lieux, qui ne sont destinez qu’aux esprits bien-heureux, des animaux si effroyables, qu’on ne peut les admettre à nostre souvenir sans horreur. Que si on y avoit donné place à des mortels, & si on y faisoit regner un Castor & Polux, il en falloit accuser l’amour qui ne nous permet pas de souhaitter des petits biens à ceux que nous aimons. Ceste consideration contentoit pareillement ceux qui se plaignoient que les Cieux n’estoient depeints que des crimes de Jupiter, & que par tout on ne voyoit que marques de ses incestes; de façon que si on excusoit ces Signes amoureux, ce n’estoit que pour ne pas blasmer la plus douce de nos passions. L’excuse aussi de ceux qui attachoient à ces corps incorruptibles des Animaux les
