Cette page n’a pas encore été corrigée
jusques à la moindre piece qu’elle ne face effect. Tout du mesme en est-il des Estoilles que nous voyons au Ciel : car bien qu’en un endroit on en remarque plus, &en un autre moins, & que cét ordre semble ridicule, il est pourtant en soy-mesme admirable, & sorty d’un merueilleux dessein, tres cogneu à ceux qui par leur saincte vie s’eslevent par dessus tout ce qui est icy bas. Ainsi dit-on que S. Anthoine entendoit parfaictement ceste Escriture celeste.
Secondement, que bien que les Estoilles du huictiesme Ciel (s’il en y a un huictiesme) soient fixes, elles ne composent pourtant pas tousjours mesmes lettres, au moins la plus part, mais elles changent selon le divers aspect des Planettes: ainsi celles qui composoient il y a dix ans
