Cette page n’a pas encore été corrigée
strologie, quoy que celle du Taureau souffriroit aussi bien la figure du Belier, que celle du Taureau: de mesme celuy qui voudroit composer sur une Estoille un Resch, au lieu d’un Daleth, quoy qu’il le peut, il s’escarteroit des principes de ceste Escriture celeste. Que si on demande à qui appartient-il de juger d’une infinité de nouvelles lettres qui se font tous les jours par le divers aspect des Planette? On respond que c’est à ceux qui sont pieusement versez à ceste escriture, & non pas à tous indifferemment, comme nous avons dit. Par ainsi je suspends encore mon jugement, tant sur ces Curiositez que sur toutes les autres advancees dans ce livre, jusques à tant que j’aye trouvé des raisons ou plus foibles, ou plus puissantes.
