De la saincte Radegonde ! folio.xii.
oncques a se difformer par nouveaux habitz : mais se contenoit ala raison de son estat. Et combien que aucuneffoiz pour lhonneur de la maison dont elle estoit descendue portast quelques beaux precieux vestements/touteffois ny prenoit gloire ne plaisir. Et ce quelle en faisoit estiot par contraincte et pour complaire au roy clotaire et a ceux qui avoient le gouvernement delle
Et quelque habit ou vestement quelle portast avoit aucune difformite non plus que en sa contenance. Car selon ledit saict fortune ne donna oncques matiere a homme par regars / parolles/ornemens ne dissolu maintien à la desirer por concupiscence charnelle. Toute son affection estoit de acumuller vertuz sur vertuz pour complaire au bon jesus que tant elle amoit.
¶ Direz vous en ce parfait mirouer jeunes dames et damoiselles qui portez vetements dissollus.en chascun an changea de mode pour vous contrefaire vser de beaulte empruntee.
Vos visages sont lavez et fardez. Vos cheveux tirez et tressez. vos tetins descouvers et parez de colliers cheynes et afficquetz et voz acoustremenes de tefte sont faitz comme caputions de folles. Respondez mesdames si vous le faictes pour complaire a dieu/et si vous prenez aussi grant labeur pour orner le dedans de votre conscience comme le dehors de vos corps. Doue estes lactrait et apas du diable pour prendre les pauvres ames et ne considerez que la beaulte corporelle qui est de tant petite duree passera bien tost/soit par vieillesse maladie ou adversite et inconvenient/et que ce petite plaisir que y prenez vous conduit a damnation perpetuelle avecques plusieurs jeunes gallans qui par voz aspectz Basificques font blecez jusques a la mortelle playe de leurs ames. Trop mauldite ess la beaulte corporelle qui tant fait damner de pauvres ames. Pensez vous poinct que telles choses se peuvent faire sans peche tant pour la superfluite de voz habitz que pour les occasions que vous donnetz aux sotz hommes de mal faire.
B.iiii.
