De la vie saincte radegonde. folio.xiii.
ombien de saincte radegonde fust grande et de haulte stature et qui pour son entretienement et nourriture luy fust permis voire necessare prendre plus grande reffection que si elle eust efte de petite qualite et quantite.
Touteffoiz elle ny mectoit son cueur : mais le evertuoit de faire jusnes et abstinences pour complaire a son amy par amours jesus : dont elle pourtoit le souvenir on profond à son noble cueur Et, considerent ce qui est escript en hieremie je les ay rempliz et saoulez/et ilz ont fornique. La bonne pucelle qui estoit nourrie et entretenue comme fille de roy et qui povoit vivre en delices et boire et manger a toutes heures quand bon luy sembloit ne aumoins elle sen distraihoit et esloignoit a son povoir/ et ne prenoit a ses repas fors ce qui luy estoit necessaire pour la refection seulement : et pour empescher quelle ne tumbast en trop grant faiblesse. il estoit commande la nourrire delices et elle ne favoit que cestoit de vivre delicieusement. Elle avoit gens propre pour luy preparer viandes de divers goustz/et elle ny prinst oncques plaisir/mais a macter et macerer la rebellion de son corps par jusnes et abstinences.
¶ Notez ceste fonne de vivre jeunes filles et pucelles/et considerez davantage que gormandise est mere de toust vices/car par trop et excessivement manger on tombe en lubricite deshonneste/et honte/et a faire ou dire chose dont fort voluntiers scandale et courroux. Il nya vice plus reprochable en une fille que de obtemperer a la bouche. Car comme on peut veoir chascun jour plusieurs filles sont a perdition pour avoir este friandes et gourmandes. Et si tel vice est reprouvees filles et pucelles ill nest pourtant/a louer es femmes mariees et vetues. car cest ung attraict de tout mal/et scet une yvroigne si elle est chaste ou non. Aussi par lantique institution des rommains lusaige de vin estoit prohibe es femmes affin quelle ne tumbassent en quelque deshonneur. Parce que le vin est le plus prochain veyre da
