Page:Keralio - collection des meilleurs ouvrages francois composes par des femmes tome 3.djvu/171

     Fresche beaulté, très riche de jonesse,
     Riant regart, trait amoureusement,
     Plaisant parler, gouverné par sagesse,
     Port féminin, en corps bienfaict et gent
     Haultain maintien démeré doulcement,
     Accueil humble plein de manière lie,
     Sans nuidangjer bonne chiere faisant ;
     ......... et los emportant,
     De ces grands biens, est ma dame garnie.
                    Ф
     Tant bien lui sciet à la noble princesse,
     Chanter, dancer et tout esbattement,
     Qu’on la nomme de ce faire maîtresse.
     Elle fait tout si gracieusement,
     Que nul n’y scet trouuer amendement ;
     L’escoffe peut tenir de courtoisie,
     En la voyant apprend qui est saichant,
     Et en ses faits qui va garde prenant,
     De ces grands biens est ma dame garnie.
                    Ф
     Tout honneur auec gentillesse,
     Tiennent son cuer en leur gouuernement,
     Et loyauté nuit et jour ne la laisse ;
     Nature mit tout son entendement
     A la fourmer et faire proprement ;
     De point en point c’est la mieurx accomplie,
     Qui aujourd’hui soit au monde viuant ;
     Je ne dy riens que tous vont disant :
     De ces grands biens est ma dame garnie.
                    Ф
     Elle semble mieulx que ma dame déessse ;
     Si croy que Dieu l’enuoya seulement,
     En ce monde pour montrer la largesse,
     De ces haults dons qu’il a entièrement