| 2 | L’ALCORAN. |
tu n’as pas eſté courroucé, & nous ne ſerons pas dévoyez.
LE CHAPITRE DE LA VACHE,
eſcrit à la Meque contenant deux cens quatre vingt ſept verſets..
U Nom de Dieu clement & miſericordieux.[1] Je suis Dieu tres-ſage, il n’y a point de doute en ce livre, il conduit au droict chemin les gens de bien qui croyent ce qu’ils ne voyent pas, qui font leurs prieres avec affection, & depenſent en aumoſnes une partie des biens que nous leur avons donnez. Ceux qui croyent aux choſes qui t’ont eſté inſpirées, en celles qui ont eſté preſchées auparavant toy, & à la fin du monde, ne ſont pas ignorans, ils ſont conduits par leur Seigneur, & ſeront bien heureux. Malheur eſt ſur les infidelles ſoit que tu les reprenne, ou que tu ne les reprenne pas, ils ne ſe convertiront pas, Dieu leur a fermé le cœur, les oreilles & les yeux, & reſſentiront de tres-grands tourmens ; Pluſieurs perſonnes dirent, Nous croyons en Dieu & au jour de Jugement, & n’y croyent pas[2], ils pensent tromper Dieu & ceux qui croyent en Dieu, certainement ils se trompent eux meſme, & ne le connoiſſent pas, Dieu augmente-
