| DE MAHOMET. | 247 |
il a créé le navire qui coule ſur la mer par ſa permiſſion, il a creé les fleuves, il a creé le Soleil & la Lune qui ſe mouvent continuellement, il a creé le jour & la nuit, & vous a donné tout ce que vous avez deſiré, les graces qu’il vous a faites ne ſe peuvent ny compter ny raconter, neantmoins les habitans de la Meque ſont touſjours impies & meſchans ; Abraham a dit, Seigneur protege cette ville, & la rends le refuge du, monde, deſtourne moy & mes enfans del’adoration des Idoles, elles ont ſeduit une partie du peuple, celuy qui me ſuivra & profeſſera ton unicité ſera des miens, ſi quelqu’un me deſobey tu es clement & miſericordieux ; Seigneur une partie de ma lignée habite à la Meque en un lieu infructueux, faits leur la grace de perſeverer en ton ſervice, faits incliner le cœur des hommes à les aymer, enrichy les des fruicts de la terre, peut-eſtre qu’ils t’en remercieront, tu ſçais tout ce qui eſt dans le monde, je ne le ſçay pas, rien ne t’eſt caché ny au Ciel ny en la terre ; Loüé ſoit Dieu qui m’a donné Iſmaël & Iſaac en ma vieilleſſe, il exauce les prieres quand bon luy ſemble ; Seigneur faits moy la grace & à ma lignée de perſeverer à bien faire, exauce mes orairons, pardonne moy, pardonne à mon pere & à tous les vray-croyans au jour du Jugement. Ne penſe pas que Dieu eſt ignorant de ce que font les infidelles, il differe la punition de leurs crimes juſques au jour que tous les hommes auront les yeux ouverts, ce jour ils verront leurs pechez devant
