| DE MAHOMET. | 491 |
ple de la Meque ſans peur, les cheveux raſez, & la barbe ajuſtée, ne craignez rien, Dieu ſçait ce que vous ne ſçavez pas, au lieu de ce ſonge il vous a donné une grande victoire ; C’eſt luy qui vous a envoyé ſon Prophete pour vous enſeigner ſa loy, plus ſalutaire que toutes les autres loix du monde ; C’eſt aſſez que Dieu ſoit teſmoin que Mahomet eſt ſon Prophete & ſon Apoſtre, c’eſt aſſez que les vray-croyans qui ſont avec luy en portent teſmoignage. Dieu augmente ſa miſericorde envers les infidelles qui ſe convertiſſent, tu les verras adorer Dieu, ſ’humilier devant ſa divine Majeſté, & demander ſa grace, tu les cognoiſtras à leur fizionimie, & auront au viſage les marques de leur zele, il a ainſi eſcrit dedans l’ancien Teſtament, & dans l’Evangile : ils ſont ſemblables à une plante qui produit ſes feüilles, qui ſe fortifie peu à peu, & devient groſſe, apres elle prend force ſur ſes racines, elle devient un grand arbre, & ſon bois ſert pur faire la guerre aux infidelles. Dieu a promis ſa miſericorde, et une tres-grande recompenſe aux infidelles qui ſe convertiront, qui croiront en ſa loy, & qui feront de bonnes œuures.
