« Coment que lo plag prenda non seretz trastornatz,
« Que a mi es vejaire que bon cosselh donat. »
Non i a .I. ni autre per que fos trespassatz,
Ans an ben tuit essems en auta votz cridat :
« Senher, bon cosselh dona ; pregam vos l’en creatz. »
Am tant se sopartiran es n’es cascus anatz
Els ostals e els albergas, e son els leits colcatz
Trosca a la matineia.
A l’endema mati, can l’alba fon crebeia,
Lo coms de Montfort leva e tota sa maineia.
Ves lo Castel nou d’arri s’en van asta leveia ;
Aqui atendran l’ost tro sia albergeia.....
Pres de lu en .I. camp, prob demeia legueia.
A un dimartz mati, cant la gens fo dinneia,
Vengo al Castel nou albergar per la preia.
Aqui viratz lo jorn denant manta crideia
De la estranha gent que i era amasseia,
Disseratz cels e terra s’i era ajusteia ;
Oi Dieus ! e tanta tenda i fo lo jorn fiqueia,
Que avian pom d’aur e aigla tragiteia !
- ↑ — 2019. Il est évident qu’entre ce vers et le suivant le ms. omet un passage où devait être rapportée l’arrivée du comte de Toulouse et de son armée. C’est ce que rend manifeste la réd. en pr. : et aqui a attendut sos ennemics entro que son venguts an totas sas gens. Et adonc es arribat aldit castel lodit comte Ramon an touta son armada ; car era advertit que lodit C. de M. le attendia aldit Castelnau, an touta sa gen. Et quand lodit comte Ramon es estat arribat aldit Castelnau, la ont per aquela hora s’es desplegat et tendut maint pabalho et tenda, talamen que semblava que tot le monde fossa aqui ajustat..... (p. 42).
