El coms es en la vila de Sent Subra intratz,
Ab sas belas mainadas per trastot albergatz.
Mas mentre que s’alberga e perpren los terratz,
Us cavaliers s’en intra que s’es aprimairatz
Tant que[s] ferit en l’aiga, mas pois en sembla fatz,
C’ans que tornes als autres fo mortz e debrizatz,
Quel baron de la vila, lo borcs e la ciutatz,
Ben complit de las armas e ben aparelhatz
Tenon las barbacanas can an los pons passatz ;
El sirvent e l’arquier establitz e triatz
An aisi los dos setis feritz e trebalhatz
Que anc pois noit ni dia no i estero em patz.
Mas can la noit s’aprosma el cels es estelatz,
Intra per mei la vilal coms de Fois en Dalmatz :
Car es pros om e savis e gent acosselhatz,
E per lo valent comte s’es l’ardiment doblatz.
Ladoncas pogratz veire mans ciris alumpnatz,
E brandos e candelas on s’espan la clartatz ;
Los tempes e las trompas els tambors atempratz
Fan retendir la vila, e creis l’alegretatz.
Ez el seti defora es lo brutles levatz,
E tals critz e tal noiza que sembla tempestatz,
Si que la ost ne trembla, e lo coms s’es armatz,
E [si] a dit als altres : « Segurament estatz ! »
— 6649. Corr. semblet ? — 6655. Ainsi développé dans la réd. en pr. : Et quand es estat tombat, adonc son salhits los de la villa per dessus lo pont, sus lodit sety, et talamen an frapat que deldit sety les an faict recular ; et no fouc despies jour, d’aquela hora en avan, que no se batessan et tuessan (p. 92). — 6658. Réd. en pr. Et dementre que tot so dessus se fasia, es arribat lo comte de Foix an una granda compania de gens, tant Navarros que Catalas et autras gens. (p. 92). Il n’est pas question de Navarrais, ni ici ni ailleurs, dans la seconde partie du poëme. — 6663. Ms. tembors.
