E ac pois las cubertas, la flor el fruit el[s] gratz,
Per que lo jois s’esclaira e l’orgolhs es baichatz.
E lo coms de Montfort es a Murel intratz
E venc a l’autre seti, e es meravilhatz
Que vi en cal maneira es dezaventuratz.
E lo coms de Toloza a sos bar os mandatz,
E vol son cosselh pendre ab sos amics privatz
Cum defenda la vila.
Per defendre la vila e per contratz de lor
Parlal coms de Toloza e li seu valedor,
E lo coms de Cumenge ab complida lauzor,
E lo rics coms de Fois qui al pretz e la flor,
En Rogers de Cumenge, lo filh de sa seror ;
E i es n’Rogers Bernatz ab sen e ab valor,
En Bernatz de Cumenge qui porta l’auriflor
De pretz e de largueza e de gaug e d’onor,
En Dalmatz de Creiseilh, .I. valent valvassor
Que fon de Catalonha, d’un gentil parentor,
E mant baro mirable e mant cosselhador,
El baron de la vila li plus ric el milhor,
Cavalier e borzes el Capitol ab lor ;
E feirol parlament a Sent Cernil menor.
E lo coms de Tolosa fetz partir la rumor ;
- ↑ — 6727. Ms. constratz. — 6731. lo, ms. el ; cf. 6887. — 6736. Ms. Quin.
— 6719. Ce vers se lie mal à ce qui précède et à ce qui suit. Y a-t-il une faute ou une omission ? — 6721. Réd. en pr. Et quand lodit C. de M. a aguda passada l’ayga, an les que se eran poguts salvar, es s’en anat et retirat a l’autre sety, loqual era al pla de Montoulieu (p. 93). — 6723. Que, ms. Perque.
