Mas li corn e las tro[m]pas el gaug cominalers,
Els repics e las mautas els sonetz dels clochiers,
E las tabors els tempes els grailes menuders
Fan retendir la vila e los pazimenters.
Ladoncs se leval setis per trastotz los semdiers
Ques era d’outra l’aiga e tenials graviers.
Mas empero laichero los avers els saumers
E los traps e las tendas els arnes els diners,
Els homes de la vila n’agro motz prizoners.
Mas de laïns perdero tal que i era mestiers :
N’Aimeriguet lo jove, cortes e plazentiers,
Don fo grans lo dampnatges el mals el desturbiers
A totz cels de la vila.
A totz cels de la vila car en Symos moric
Venc aitals aventura que l’escurs esclarzic,
Car la clartatz alumpna que granec e fluric,
E restaurec Paratge e orgolh sebelic.
E las trompas els grayles, e li corn el repic,
E lo joys de la peira que lo comte feric,
- ↑ — 8493-4. Corr. escur.... clartat ?
— 8483. Réd. en pr. Et quand tot so dessus es estat faict, coma dit es, los de la vila an agut per conseilh que prestamen cascun se ane armar, et que anen frapar sur lodit sety que era dela l’ayga aldit hospital de S. Subra. Et adonc que son estats armats et acotrats, son salits et an passada l’ayga, et sus lodit sety son anats frapar, et talamen an faict que lodit sety lor an faict laissar et desamparar, sens ne porta causa que fossa en lodit sety, car cascu avia grand gauch de se salvar, qui may podia ; la ont demoret grand richessa tant de pabalhos, tendas, que autras causas ; dont los de la vila se emendeguen grandamen de la pilharia que lor avia faita lodit C. de M., et aussi y demoret maint ung prisonier dont agueran mainta raenso et finansa (p. 103).
