Pois fo lo coms R. a autre parlament
Que fo faitz a Narbona pres de la S. Vincent ;
Lo reis d’Arago i fo e mota rica gent.
Oncas no i acabero que valha un aiguilent.
Pois ne foro a autre, az Arle, mon ecient ;
Lai escriusen en carta trastot lo jutgament
Que bailaran al comte que defors los atent
Ab lo rei d’Arago, ab fort freit e ab vent.
L’abas la lh’amarvic vezent tota la gent,
E maestre Tezis qu’es ab lui issament,
Lo mielher clercs del mon e lo plus conoichent,
E l’ivesques d’Uzes ab d’autres clergues cent.
Can lo coms tenc la carta, trastot celadament
Apelet l’escriva, e cant el la entent.
Que el la lh’ac legida trastot paziblament,
Lo rei d’Arago apela iratz per mal talent.
« Sa vinetz, sire reis, » so li ditz en rient,
« E aujatz esta carta e l’estranh mandament
« Quem mandan li legat que i sia obedient. »
Lo reis la fai legir autra vetz mantenent ;
E cant la ac auzida, ditz em patz simplament :
« Be fai a milhorar, pel Paire omnipotent. »
- ↑ — 1348. Sic, corr. P. ne feiro .j. autre ?
cette laisse est développée très-librement par la réd. en pr. et dans un sens favorable au comte de Toulouse. Par ex. le rédacteur suppose que l’entrevue de Saint-Gilles eut lieu à l’instigation de l’évêque Folquet : instigan lodit evesque de Tolosa, loqual no cessava jamais de sercar mal (p. 29). La laisse LIX est tout aussi librement traitée dans la réd. en pr.
