Page:La Fontaine - Œuvres complètes - Tome 2.djvu/299

291

QUATRIESME PARTIE.

Suivant la Loy de ce dicton,
Diversité, c’est ma devise.
Ce fut celle aussi d’un mary
De qui la femme estoit fort belle.
Il se trouva bien tost guery
De l’amour qu’il avoit pour elle :
L’Hymen et la possession
Eteignirent sa passion.
Un sien Valet avoit pour femme
Un petit bec assez mignon :
Le maistre, estant bon compagnon,
Eut bien tost empaumé la Dame.
Cela ne plûst pas au Valet,
Qui, les ayant pris sur le fait,
Vendiqua son bien de couchete,
A sa moitié chanta goguette,
L’appella tout net et tout franc….
Bien sot de faire un bruit si grand
Pour une chose si commune ;
Dieu nous gard de plus grand fortune !
Il fit à son Maistre un sermon.
Monsieur, dit-il, chacun la sienne,
Ce n’est pas trop ; Dieu et raison
Vous recommandent cette Antienne.
Direz-vous : Je suis sans Chrestienne ?
Vous en avez à la maison
Une qui vaut cent fois la mienne.
Ne prenez donc plus tant de peine :
C’est pour ma femme trop d’honneur ;
Il ne lui faut si gros Monsieur.
Tenons-nous chacun à la nostre ;
N’allez point à l’eau chez un autre,
Ayant plein puits de ces douceur :
Je m’en raporte aux connoisseurs.
Si Dieu m’avoit fait tant de grace
Qu’ainsi que vous je disposasse
De Madame, je m’y tiendrois,
Et d’une Reine ne voudrois.