Thaïs
Quel terme ?
Phœdrie
De deux jours.
Thaïs
Ou trois.
Phœdrie
Cet ou me tue.
Thaïs
Ostons-le donc.
Parmenon
Cede aux charmes d’un mot : je l’avois bien preveu.
Phœdrie
À ce que vous sçavez aujourd’hui j’ay pourveu.
Vostre sœur peut avoir un Eunuque aupres d’elle
J’en viens d’acheter un qui me semble fidelle,
Et tantost Parmenon viendra pour vous l’offrir.
Souffrez vostre Soldat, puis qu’il faut le souffrir ;
Mais ne le souffrez point sans beaucoup de contrainte :
Donnez-luy seulement l’apparence et la feinte ;
Pendant vos complimens, songez à vostre foy ;
De corps aupres de luy, de cœur aupres de moy.
Revez incessamment, chez-vous soyez absente.
Thaïs
Vous ne demandez rien que Thaïs n’y consente ;
Et ce point ne sçauroit vous estre refusé.
Phœdrie
Adieu.
Thaïs
Comment ! si-tost ?
Parmenon
Pour attraper nostre homme a d’art et de soupplesse !