Emenidus seoit è l’ destrier Arragon ;
si cerke la bataille entor et environ ;
ricement fu armes, regart ot de felon.
è l’ cief de la batalle va jouster à Sanson,
amis ert Nicolas, de l’ mius de sa maison.
Emenidus li vient à poignant de randon,
à l’ cors li met le fer, à tout le confanon ;
si l’abat de l’ ceval, qu’en vuident li arcon.
Aspiros d’Escalite sist en alerion :
iries fu et dolans de la mort de Sanson,
s’or ne le puet vengier, ne se prise un boton.
en la prese grignor ala ferir Begon ;
toute plaine sa lance, l’abat mort de l’arçon ;
mult en poise Alixandre de la mort au[1] baron
et dist : „vus m’ares sempres mult près à compagnon. »
au torner que il fist, li fist le cief en bron,
que ronpue est la coife et avoec li bouton,
et la teste li cope pardesous le menton.
cil de Cesare voient icele grant marison,
si dient que trop sunt li cop des Grius felon.
Es vus par la batalle, ses soudoiers venir[2]
Sanson, le neveu Daire, qui fu gietés de Tir.
ricement fu armés, si vint par grant air
enmi la grignor prese, ala i. duc ferir
qui ot de Nicolas mult grant tiere à tenir,
que l’escu de son col li fait fendre et partir ;
et de cel cop li fait l’ arme de l’ cors iscir ;
puis a traite l’espée ; as autres vait guencir.
Amilas de la Sere[3] fait à i. cop morir ;
Alixandres le voit, mult li vint à plaisir,
et dist : « mult doit-on bien tel chevalier tenir,[4]
« qui si set son signor en bataille servir ;
« qui tel home toit tiere bien l’en doit maus venir. »
F. 8b la conpagne Alixandre fert de si grant air
que la première esciele ne le pot mès soffrir ;
par force les convint lor estor deguerpir.[5]
Page:Lambert li Tors - Li romans d’Alixandre, 1846.djvu/56
Cette page n’a pas encore été corrigée
28
ENFANCE D’ALIXANDRE.
