Es vus l’autre bataille que conduit Perdicas ;
à le seconde esciele des homes Nicolas
se jouste, com ains puet, et vient plus que le pas.
de lances et de dars i oiscies les quas,
tant elme et tant escu veiscies jesir bas,
maint chevalier i ot ki se pot clamer las,
qui gisoit à la tiere, à mort navrés et mas.
sor Beart d’[1] Oliferne sist armés Bélias ;
cil estoit nés de Grese, de l’ lignage Eneas
* qui escapa de Troie quant li paiis fu ars ;
è l’ cief de la bataille, va joindre à Jonatas,
i. baron de Césare et né de Caïfas ;
grant tiere ot à tenir de jusqu’en Elinas.[2]
Elias le feri qu’il li perça les dras,
si que, plaine sa lance, l’abat de l’ ceval cras.
Sabilor de Losere a ocis Brunadas,
i. chevaliers de Gresse, cousins ert Filotas.
ja veiscies ferir Grius et Macidonas ;
la mesnie Alixandre ki ne l’[3]espargnent pas,
as espées trencans les vont ferir è l’ tas.
lor anemis aboivrent de mult felons hanas,
c’ onques de ceste esciecle, ne l’ tenes mie à gas,
ù bien furent iim., n’en escapèrent pas
xx., ne dis, ne i. seus, ne fust navrés et mas.
Es vus la tierce esciele que Caunus li preus gue,
qui maint bon chevalier ot en sa compagnie ;
sor le gent Nicolas avoient grant envie,
fierement le requerrent, que tos jors l’ont haie,
là veist-on percier mainte targe florie.
Caulus point le ceval ù durement se fie,
va férir Samador en le targe brunie,
que li fent et estroe devers destre partie.
li haubers de sen dos ne li vaut une pie ;[4]
parmi le cors li passe l’ensegne d’Aumarie,
sor l’arcon daerrain l’enverse tot et plie.
outre s’en est pasés, mes le branc n’i oublie,
de l’ fuere le trait fors quant li lance est falie ;
Page:Lambert li Tors - Li romans d’Alixandre, 1846.djvu/57
Cette page n’a pas encore été corrigée
29
ENFANCE D’ALIXANDRE.
![](http://upload.wikimedia.org/wikipedia/commons/thumb/6/6e/Lambert_li_Tors_-_Li_romans_d%E2%80%99Alixandre%2C_1846.djvu/page57-1024px-Lambert_li_Tors_-_Li_romans_d%E2%80%99Alixandre%2C_1846.djvu.jpg)