10Seignor baron, plaireit vos d’une esemple, [*]
D’une chançon bien faite et avenante ? [*]
Quant Deus eslist nonante et nuef reiames, [*]
Tot le meillor torna en dolce France. [*]
Li mieldre reis ot a nom Charlemagne ;[*]
15Cil aleva volentiers dolce France ; [*]
Deus ne fist terre qui envers lui n’apende ; [*]
Il i apent Baviere et Alemaigne, [*]
Et Normandie, et Anjou, et Bretaigne,
Et Lombardie, et Navare, et Toscane.[*]
20Reis qui de France porte corone d’or
Prodom deit estre et vaillanz de son cors ;
Et s’il est om qui li face nul tort,
Ne deit guarir ne a plain ne a bos,
De ci qu’il l’ait o recreant o mort :
25S’einsi nel fait, dont pert France son los ;
Ce dist l’estoire : coronez est a tort.[*]
— 8 B2 Q. t. s. contre paiene gent — 9 C Du nul meillor n. q. — 10 B2 Plaist il vous a entendre ; C plaist il vos a ensemple — 11 B2 Bone c. b. f. por aprendre — 12 A nonante et .x. — 13 C dona a d. f. — 14 A Li maines r. ; B2 si ot nom c. — 15 B2 C. a. a son pooir le regne — 16 C qua lui ne doie aprendre — 17 A B1 Il ala prendre ; B2 Ja i a. ; D Quil i apent — 19 B2 Et berriier et ; C Et l. auauterre et t. — 26 C manque
