Page:Langlois - Le couronnement de Louis.djvu/214

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

Et tei meïsme, qui sire iés del mostier, [*]
Ferai rostir sor charbon en foier, [*]
Si que li feies en cherra el brasier. » [*]
Quant l’apostoiles l’oï ensi plaidier,
545N’est pas merveille s’il en fu esmaiez. [*]
Il et li abes prenent a conseillier :[*]
« Par saint Denis, cil Turs est esragiez ! [*]
Grant merveille est quant terre est soz ses piez, [*]
Qu’el feu d’enfer ne l’a Deus enveié. [*]
550Ahi ! Guillelmes, li marchis al vis fier,
Cil te guarisse qui en croiz fu dreciez ! [*]
Contre sa force n’a la toe mestier. » [*]
Conduit demande a Galafre le fier,
Et il li charge les filz de sa moillier ;[*]
555De ci a Rome le conduient a pié. [*]
Li cuens Guillelmes i est venuz premiers ; [*]
Il le saisist par le fer de l’estrier :[*]
« Sire, » fait il, « come avez espleitié ? [*]
Et quar me dites, veïstes l’aversier [*]
560Qui contre Deu vuelt Rome desraisnier ? [*]
Gentilz om, sire, avez tant espleitié ? [*]
— Oïl, bels sire, a celer ne vos quier, [*]

    — 541 B1 qui sers droit ou mostier ; B2 qui le sers el m. — 542 C de fouier ; A Ferai ardoir s. c. embrasiez — 543 A el foier ; C si que le cies ; B1 c. jus ou b. ; B2 ton f. c. sus le b. — 545 C sil en est e. — 546 C prisent a c. — 547 B par saint sepulcre — 548 C est desor piez ; A que sor terre est ses piez — 549 B manque ; A Quant f. de. ni a d. e. Ou que ne font la terre soz ses piez — 551 A qui le mont doit jugier ; B1 q. e. c. fu poiez ; B2 qui fu crucefiez — 552 B la leçon + A ces paroles ni vout plus atargier Li apostoiles ainz sen volt repairer — 554 C li baille — 555 A manque ainsi que les deux vers suivants ; C De si au toiure ; B Dusques a r. ne voldrent delaier — 556 B les encontra premiers — 557 B Si le s. ; C par le frain du destrier — 558 A font il ; C dist il — 559 B1 vistes vous lauressier ; B2 Or me dites veistes vous lauressier — 560 C calengier — 561 B auez vos apesie ; C manque — 562 C biax frere ; B la leçon + Je vos di bien par dieu le droiturier