Page:Langlois - Le couronnement de Louis.djvu/223

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

La vos plot il, verais Deus, a aler [*]
En Jersalem, la mirable cité, [*]
Par Portes Oires, que firent defermer. [*]
745Guerpis les riches, ce fu granz simpletez, [*]
As povres fu vo corages tornez.
Chiés Simon fustes le lepros ostelez.
Li doze apostre i furent assemblé ;
La Madeleine queiement, a celé,
750Vint soz la table, que n’osa mot soner, [*]
De cleres lairmes ot voz dous piez lavez, [*]
De ses chevels en après essuiez ; [*]
Iluec li furent si pechié pardoné. [*]
La fist Judas de vos grant cruelté ; [*]
755Il vos vendi, ce fu granz foletez, [*]
Trente deniers del tens Matusalé ; [*]
En baisant fustes as fals juïs livrez [*]
Et a l’estache leiez et arestez, [*]
Tresqu’al matin, que il fu ajorné, [*]
760Que en un tertre vos en firent mener, [*]
Mont Escalvaire, ensi l’oï nomer. [*]
A vo col firent vostre grant crois porter, [*]
Et d’un mantel molt hisdos afubler,[*]

    — 742 C vrais d. estre honorez ; B Adont vos plot sire d. (B2 biaux doux sire) a a. — 743 C En jherusalem ; B2 Enz en jherusalem — 744 A qui furent define ; C ce fu grans simpletes ; B1 P. p. o. la vous conuint aler Vrai d. de gloire que firent deffermer ; B2B1 + Les feuls juis pour vous la honorer Mais ce vous firent puis molt chier acheter — 745 A ce fu la verite ; C dont ce fu simpletes — 750 A quel ; C que — 751 A De cheres armes a v. d. p. l. — 752 C De ses cauels les pies ressues — 753 A li fu — 754 A la cruelte ; C vers vos g. c. — 755 A Quil ; B falsete — 756 B1 dont ce fu foletez ; B2 par desesperaute — 757 B as juis deliurez ; C Et en apres fu as juis liures — 758 B et encombrez ; C et malmenes — 759 B que jorz fu ajornez — 760 A Quant ; B Que il vos firent sus un tertre m. — 761 C Mont en caluaire — 762 C une g. c. p. ; B2 A vos espaulles vos i firent porter La sainte croiz ou vous voudrent pener — 763 A molt cruel afubler