Ainz n’i passastes un pas, par verité, [*]
765Que ne fussiez o feruz o botez. [*]
En sainte crois fu vostre cors penez [*]
Et vo chier membre travaillié et lassé. [*]
Longis i vint, qui fu bien eürez, [*]
Ne vos vi mie, ainz vos oï parler, [*]
770Et de la lance vos feri el costé,
Li sans et l’eve li cola al poing clers ; [*]
Terst en ses uelz, si choisi la clarté, [*]
Bati sa colpe par grant umilité,
Iluec li furent si pechié pardoné.
775Nicodemus, ensemble o lui José, [*]
Vindrent a vos, come laron nuitel, [*]
De la crois ont voz membres remué, [*]
Et el sepulcre et colchié et posé, [*]
Et al tierz jor fustes ressuscitez. [*]
780Dreit en enfer fu voz chemins tornez. [*]
Toz voz amis en alastes geter, [*]
Qui longement i aveient esté.
Si com c’est veir, bels reis de magesté, [*]
Defent mon cors, que ne seie afolez. [*]
785Ci dei combatre encontre cest malfé, [*]
Qui tant est granz, parcreüz et membrez. [*]
Sainte Marie, s’il vos plaist, secorez,[*]
— 764 B .i. pie — 765 A feruz et escopez ; B1 et f. et b. — 766 C posez — 767 B En v. c. m. clos fichie et bote ; C manque — 768 B qui ert bien airez — 769 B Ne vos vit mais a. v. o. p. — 771 A len a es poinz cole ; B Apres la lance en rouia li sanz clers — 772 B C T. a ; A Ses eulz en tert errant vit la — 775 B joseph ; C ensemble lui josoe — 776 A Furent venu come laron proue ; B Qui a pilate vos auoient roue — 777 A orent ; B descloe ; C De l. c. firent le vostre cors oster — 778 A et leve ; C et couchier et poser ; B et colchie et pose — 779 A surrexis come de — 780 B1 trouez ; A le grant chemin ferre ; C Brisas ynfer ni ot pooir malfes — 781 A en eustes gitez ; B en volsistes git er — 783 B2 doux rois — 784 C ni — 785 B ge ; A Qui d. c. e. cel m. — 786 B1 p. et fabrez — 787 C et car me secoures ; B1 mere dieu secourez ; B2 He mere dieu hui si me secourez
