Page:Langlois - Le couronnement de Louis.djvu/234

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

A unes pasques feïs procession, [*]
Que d’une asnesse chevalchas le faon, [*]
990Si vos sivirent li petit enfançon ;
As blanches pasques en font procession [*]
Et un et altre li prestre et li clerçon. [*]
Et herberjas chiés le lepros Simon.[*]
La Madeleine feïstes le pardon, [*]
995Qui mist ses uelz sor voz piez a bandon, [*]
Et i plora par buene entencion ;[*]
Tu l’en levas a mont par le menton, [*]
De ses pechiez li feïstes pardon ;
La fist Judas de vos la traïson :
1000Il vos vendi, s’en ot mal guerredon, [*]
Trente deniers en reçut li felon ; [*]
Et en la crois fustes mis a bandon. [*]
Juïf en firent come encrisme felon :
Ne vorent creire vostre surreccion. [*]
1005El ciel montas al jor d’Ascencion,
Dont viendra, sire, la grant redempcion, [*]
Al jugement, ou tuit assemblerons. [*]
La ne valdra pere al fill un boton, [*]
Li prestre n’iert plus avant del clerçon, [*]
1010Ne l’arcevesques de son petit guarçon, [*]
Li reis del duc, ne li cuens del troton, [*]
Nuls om traïtre n’i avra guarison. [*]

    — 988 B Apres biax (B2 doux) sire feis procession — 989 B Et de lasnesse — 991 B ramembroison — 992 B2 Crestien qui aourent vo saint nom — 993 B Et herberjastes — 994 B2 f. gent pardon — 995 B Qui sus voz piez mist ses ueilz a bandon ; manque, ainsi que les trois vers suivants, dans C — 996 B Si plora sire — 997 B Tu len leuas sire p. l. m. — 1000 A La vos. v. — 1001 C ot des juis felon — 1002 B2 enz en l. c. ; B sanz reson ; manque, ainsi que le vers suivant dans C. — 1004 B manque — 1006 A Nos viendra ; C De nos venra — 1007 A1 assembleron — 1008 C Lors ne v. ; B La ni v. — 1009 B Ja niert li prestre ; A Neis li prestre niert a. d. c. — 1010 C Ne li euesques — 1011 C manque — 1012 B Fel ne trichiere ; A manque