Et as apostres donas confession ;
Meïs saint Pere el chief del pré Neiron, [*]
1015Et convertis saint Pol son compaignon ;
Jonas guaris el ventre del peisson, [*]
Et de la fame le cors saint Simeon, [*]
Et Daniel enz la fosse al lion ;
Et Simomague abatis le felon ; [*]
1020Moyses vi la flame enz el buisson, [*]
Qui n’ardeit busche ne ne feseit charbon.
Si com c’est veir, et creire le deit on,
Defent mon cors de mort et de prison, [*]
Que ne m’ocie cist Sarrazins felon ; [*]
1025Tant porte d’armes qu’aprochier nel puet on,
Quar s’arbaleste li pent a son giron, [*]
Mace de fer li pent a son arçon. [*]
Se cil n’en pense qui Longis fist pardon,
Ja n’iert conquis, trop a d’armes fuison. »[*]
1030Corsolz li dist treis moz par retraçon :[*]
« Ahi ! Guillelmes, come as cuer de felon ;[*]
A grant merveille sembles buen champion, [*]
De l’escremir ne resembles bricon ; [*]
Mais par ces armes n’avras ja guarison. » [*]
1035Lors trestorna son destrier aragon, [*]
Et trait l’espee qui li pent al giron, [*]
— 1014 C Mesmes s. p. — 1016 A Gueris j. — 1017 A La madeleine feistes le pardon ; Ce vers et les 4 suivants manquent dans C — 1019 A1 Symon meismes ; B2 Et symagogue — 1020 B en un buisson — 1023 A de honte e. d. p. — 1024 B1 le s. f. — 1026 B pent a son gambeson ; B Et sarbaleste qui li pent a larcon ; C Car sa baleste li vient a son giron — 1027 A voi pendre a son arcon ; B1 li pent a son giron ; B2 li repent au giron — 1029 B trop est fors li gloton — 1030 C B2 par traison ; B1 par contencon. — 1031 B2 de lyon — 1032 A bien c ; C manque ; Le copiste de B2, trompé par la similitude des deux vers 1031 et 1058, a passé du premier au second — 1033 B1 De lescremie me sembles bien breton — 1034 B1 Mais de tes ; C manque — 1035 A1 L. retorna le d. ; A2 L. t. le d. — 1036 B1 Trait a ; A2 manque
