Emprès le helme est la mace passee.
Baissa le chief a icele encontree.
Ja mais par lui ne fust Rome aquitee,
Se Deus ne fust et la vierge onoree.
1085Tuit cil de Rome haltement s’escrierent ; [*]
Dist l’apostoiles : « Que fais tu or, sainz Pere ? [*]
Se il i muert, c’iert male destinee ;
En ton mostier n’iert mais messe chantee,
Tant com ge vif ne que j’aie duree. »[*]
1090Li cuens Guillelmes fu molt estoltoiez,
Et de cel colp fu durement chargiez, [*]
Mais d’une chose s’est il molt merveilliez, [*]
Que li Turs a tant duré el destrier, [*]
Por ce qu’il ot tant durement saignié ;[*]
1095Et s’il volsist il l’eüst mis a pié, [*]
Mais il espargne quanqu’il puet le destrier,
Quar il se pense, s’il le puet guaaignier, [*]
Bien li porreit ancore aveir mestier. [*]
Li Sarrazins vint a lui eslaissiez ;[*]
1100Ou veit Guillelme, si l’a contraleié :[*]
« Culverz Franceis, or iés mal engeigniez,
Quar de ton nés as perdu la meitié ; [*]
Or seras mais Looïs provendiers, [*]
Et tes lignages en avra reprovier. [*]
— 1085 C ont fait une escriee — 1086 B que fais sire sainz pere ; C D. la. qui saint pieres est lere — 1089 A et que ; B ne com jaie d. — 1091 B molt forment — 1092 A Et du. c. est il m. m. — 1093 B1 Quant ; B este el d. ; C Com l. t. — 1094 B2 longuement — 1095 A B2 Que sil v. — 1097 B manque — 1098 C Il serroit mes loey prouendier B. l. p. e. a. m. — 1099 A corociez — 1100 B2 Ou quil le voit — 1102 manque, ainsi que les 3 suivants, dans C — 1103 A Qui seras — 1104-1106 B Ge sai molt (B2 tres)
