Page:Langlois - Le couronnement de Louis.djvu/243

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

1200Et l’ost monta qui estormi se fu. [*]
Guillelmes a le temulte entendu ;[*]
Dist a ses omes : « Trop avons atendu ;[*]
Paien s’en fuient, li gloton mescreü. [*]
Or tost après, por Deu le rei Jesu ! »[*]
1205Tuit cil de Rome s’en issent a un hu ;[*]
Guillelmes s’est el premier renc tenuz,
Li gentilz cuens, si lassez come il fu ;
Alion broche des esperons aguz,[*]
Si se desreie qu’a peine l’a tenu :[*]
1210Legiers li semble cil qui desor lui fu.[*]
Entre dous tertres ont paiens conseü. [*]
La veïssiez un estor maintenu,
Tant pié colpé, tante teste, tant bu ![*]
Li cuens Bertrans s’i est molt chier vendu. [*]
1215Après sa lance a trait le brant molu :[*]
Cui il ateint jusqu’el piz l’a fendu, [*]
Halbers n’i valt la monte d’un festu, [*]
Maint colp reçut et plus en a rendu ; [*]
Et Guielins i a maint colp feru, [*]
1220Et cil Gualtiers qui de Tolose fu ;
Mais sor toz altres fu Guillelmes cremuz. [*]

    — 1200 C qui estormie fu — 1201 B Et g. a la grant noise e. ; C Et cil de rome ont la noise e. — 1202 C Dient entreux — 1203 C Li cuuert m. ; B1 sarrazin mescreu ; B2 li felon m. — 1204 C Or tost as armes — 1205 B ni ont plus atendu De la cite issirent a .i. hu. — 1208 A Arion ; B A. b. d. e. a. Et li destriers qui fu de grant vertu ; manque, ainsi que les 2 suivants, dans C — 1209 A a peine lont tenu — 1210 A celui qui sor lui fu ; B la leçon + Apres paiens sarotent par vertus Qui sen fuioient quar paour ont eu Por ce que rois corsolz estoit veincuz Que dams guillelmes ot mort et confondu Tant ont coite li nostre par vertu — 1211 B Quentre deus monz les ont aconseuz Entre eus se fierent par force et par vertu — 1213 A Tant poing cope ; B Tant pie trenchie — 1214 B sest molt bien combatu — 1215 B Apres la l. a. t. le b. tot nu — 1216 A est fenduz ; B jusques denz la f. — 1217 B Ni vaut hauberz ; C manque — 1218 B2 mais p. en a r. ; C manque — 1219 B en i a maint feru — 1221 A Mais sor tes a.