Page:Langlois - Le couronnement de Louis.djvu/247

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

Le rei i ont levé et baptisié. [*]
Parins li fu Guillelmes li guerriers,
Et Guielins et li corteis Gualtiers,
Et bien tel trente de vaillanz chevaliers [*]
1290N’i a celui ne seit frans om del chief ;[*]
Mais de son nom ne li ont point changié, [*]
Ainz li aferment al nom de crestiien. [*]
L’eve demandent, s’assieent al mangier.
Quant ont assez ce que lor fu mestier [*]
1295Li cuens Guillelmes est resailliz en piez :[*]
« Hé ! gentilz reis, por Deu le dreiturier,
Nobles filluels, et quar vos avanciez.
Coment ravrons les chaitis prisoniers [*]
Qui en voz barges sont estreint et leié ? »[*]
1300Respont li reis : « Or m’estuet conseillier ;[*]
Quar s’or saveient Sarrazin et paien [*]
Que ge me fusse levez et baptisiez, [*]
Ainz me laireient trestot vif escorchier [*]
Qu’il me rendissent vaillant un sol denier. [*]
1305Mais or me faites de mes dras despoillier, [*]
Si me metez sor un guaste somier, [*]
Et avuec mei un quart de chevaliers, [*]
Si près del Teivre que ge puisse huchier. [*]
Trestoz voz omes faites apareillier [*]

    — 1286 B Li rois i fu — 1289 C de jentieus cheualiers ; B de cheualiers proisiez — 1290 C de fief ; B ne soit gentils de chief — 1291 A pas ; C ne volroit point cangier — 1292 C un nom de c. ; B Ainz le baptisent — 1294 B et beu et mangie — 1295 B en est sailliz en pie — 1298 A3 raions — 1299 A Qui en voz buies sont estroit lie ; B manque — 1300 C R. guillelmes ; A1 compasser ; B mestuet il c. — 1301 A1 et escler ; B sarrazin auersier — 1302 A1 baptisiez et leuez ; B2 aussi fet baptisier — 1303 C manque — 1304 C valissant .i. d. ; B2 qui vausist .i. d. — 1305 B trestot nu despoillier — 1306 C Si me menez soz .i. gaste mostier — 1307 B Sierent o moi ; B2 .iii. gentils cheualier ; A manque — 1308 A Si pres des lor ; B Si pres del tertre que les (B2 leur) p. h. — 1309 B ferez a.