Page:Langlois - Le couronnement de Louis.djvu/252

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

Tant ont Guillelme et quis et demandé [*]
Qu’il ont le conte enz el mostier trové, [*]
Ou il deveit sa moillier esposer,
1390Et l’apostoiles, qui fu gentilz et ber,
Fu revestuz por la messe chanter ;[*]
Et l’anel prist por la dame esposer, [*]
Quant li message li sont al pié alé :
« Merci, Guillelmes, por sainte charité,
1395De Looïs vos est petit membré, [*]
Que mors est Charles, li gentilz et li ber ; [*]
A Looïs sont les granz eritez. [*]
Li traïtor l’en vuelent hors boter, [*]
Un altre rei il vuelent coroner, [*]
1400Le fill Richart de Roen la cité. [*]
Tot le païs ont a dolor torné, [*]
Gentilz om, sire, se vos nel secorez. » [*]
Ot le Guillelmes, s’est vers terre cliné ; [*]
Veit l’apostoile, d’une part l’a torné :
1405« Sire, » fait il, « quel conseil me donez ? »[*]
Dist l’apostoiles : « Deus en seit aorez ! [*]
Qui conseil quiert bien li deit l’en doner ; [*]
En peneance vos vueil ge comander [*]
Que Looïs vo seignor secorez. [*]
1410C’iert granz damages s’il est deseritez. »
Respont li cuens : « Si com vos comandez, [*]

    — 1387 B enquis — 1388 B2 le ber — 1391 A Tot reuestuz — 1392 A de la d. e. ; C Pris ot la neif — 1395 A1 vos ert p. m. ; C vos a p. m. ; A3 De rois looys — 1396 B1 Car ; B2 manque — 1397 C A roi looys ; B2 manque — 1398 C L. t. li ont le dos torne — 1399 B2 reueulent c. — 1400 C Del fill — 1401 A ont a honte liure ; B2 en dolor ont t. — 1402 A nes secoures ; B2 pour le secorez ; B1 et car le secourez ; B ajoute Car se de vous na secours ce sauez Mors est li rois ocis et afolez — 1403 B vers terre est enclinez — 1405 C donrez ; A que c. m. d. — 1406 B la leçon + Foi que ge doi le roi de mageste — 1407 A len li doi bien doner — 1408 B vos vueil dire et monstrer — 1409 A3 Que rois looys ; B Que vo seigneur loiaument secorez — 1411 C R. guil. a vostre volente