Page:Langlois - Le couronnement de Louis.djvu/281

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.

2045Vers dolce France pense de chevalchier ;[*]
Mais en Peitou laisse des chevaliers [*]
Es forteresses et es chastels pleniers ; [*]
Dous cenz en meine molt bien apareilliez.[*]
Tote Bretaigne comence a costeier ;[*]
2050Ainz ne fina tresqu’al mont Saint Michiel.
Dous jorz sejorne, puis s’en parti al tierz,
Par Costentin s’en prist a repairier.
De ses jornees ne vos sai anoncier :[*]
Tresqu’a Roen ne se volt atargier ; [*]
2055El maistre borc s’est li cuens herbergiez, [*]
Mais d’une chose fait il molt que legiers, [*]
Que par la terre al duc Richart le vieil [*]
Osa il puis errer ne chevalchier [*]
Qu’il li tua son fill al grant levier ; [*]
2060Mais la se fie li gentilz chevaliers [*]
Que il se furent acordé et paié ; [*]
Mais cele acorde ne valu un denier,
Quar puis le voldrent murdrir et essillier. [*]
« Veir, » dist Richarz, « bien devreie esragier
2065Quant par ma terre vei celui chevalchier [*]
Qui m’a tolu le meillor eritier [*]
Qui onques fu por terre justicier.
Mais, par l’apostre que requierent palmier,
Ainz qu’il s’en parte sera molt corociez. [*]
2070— En nom Deu, sire, » dient si chevalier,

    — 2045 B de reperier — 2046 A ses cheualiers ; B laissa — 2047 B chastels prisiez — 2048 B .IIm. e. m. de bien a. — 2049 B a prise a c. — 2053 B acointier ; A ne sai conte noncier — 2054 A nest il dus atargiez — 2055 A sest li dus h. — 2056 A le tieng ge a l. — 2057 B Quant — 2058 A2 Noserent plus ; A1 mêmes mots exponctués et remplacés par Nosoit li dus ; B Osoit errer li ber ne (B2 et) c. ; C O. ainc p. aler n. e. — 2059 B sanz esparnier — 2060 B1 li filz a c. ; B2 li baron c. — 2061 A Por ce quil furent — 2063 B manque — 2065 B Q. en m. t. — 2066 A me tolit ; B l. m. cheualier — 2069 B le voudrai corrocier