L’en li ameine Alion son destrier : [*]
Li cuens i monte par son senestre estrier ; [*]
A son col pent un escu de quartier,
Prent en son poing un fort trenchant espié, [*]
2100A quinze clos le gonfanon fichié ; [*]
O lui n’en meine mais que dous chevaliers :[*]
Sor la riviere se vont esbaneier. [*]
A tant es vos le duc Richart le vieil, [*]
Qui tot le jor l’aveit fait espiier, [*]
2105O lui bien quinze de hardiz chevaliers. [*]
Veit le Guillelmes, molt en fu esmaiez. [*]
Li cuens Guillelmes chevalche lez un mont ; [*]
A tant es vos le duc Richart le ros,
Ensemble o lui ot quinze compaignons. [*]
2110Veit le Guillelmes, molt l’en prist grant freor ; [*]
Il en apele ansdous ses compaignons, [*]
Tot queiement les a mis a raison :[*]
« Baron, » dist il, « dites quel le ferons. [*]
Ici nos vient li dus Richarz li ros,
2115Et il me het de molt grant reençon :[*]
Son fill ocis, que por veir le set on ;[*]
— 2096 B son auferrant corsier — 2097 B manque — 2099 A .i. roit ; B le fort — 2100 A lacie — 2101 A ne meine fors que ; B2 seul que — 2102 B Les l. r. — 2103 B l. d. r. ou vient — 2104 B2 Qui tot le jor — 2105 B Aueques lui ot .xvi. h. — 2106 B si en f. e. — 2107 B cheualcha a estros — 2109 Leçon de C ; A2 Et o lui .xv. ; A1 O lui .xv. ; A de hardiz poigneors ; B1 Auuec lui ot bien .xvi. c. ; B2 Auueques lui ot .xvi. c. — 2110 B2 Voit les g. si en p. g. fricon ; B1 manque — 2111 B1 manque — 2112 B Tot maintenant — 2113 A2 manque — 2115 Leçon de C ; A plus que home del mont ; B Il me hait ja dune grant traison Quil firent ja looys mon seignor — 2116 B1 que de fi ; B2 que de voir
