Le texte de cette page a été corrigé et est conforme au fac-similé.
5
Vous eſtes vne fine buſe,
Son vit n’eſt pas vne harquebuſe,
Qui deſchargeant meine du bruict,
Il eſt muet comme vne carpe,
Et l’on ne ſent preſque l’eſcarpe
De cet eſprit qui va de nuict.
Les beſtes qui ne ſont tant belles,
Que vous dites, s’en paſſent elles ?
Nenny par bleu, les morpions
Et toute autre petite beſte,
Comme puces, & poux de teſte,
Picquent ainſi que des lions.
Vn leurier ſur vne leurette,
Roidement tire ſa brayette,
Comme Robert ſur Alizon
Et crois, que tous pareils nous ſommes
A ces beſtes, fors que nous hommes
Avons vn peu moins de raiſon.
