Ne m’atainsissent en un jor
Por que vosisse fere un tor ;
En ceste terre n’a mastin
Qui me rescossist un pocin
Por que je l’éusse engolé.
Hé ! Dex, tant bon en ai emblé,
Tant chapon et tante geline !
Onc n’i ot savor de cuisine,
Ne vert sauce, ne ail ne poivre,
Ne cervoise ne vin por boivre :
Toz jors ai esté pautoniers
Et aloie moult volentiers
Là où je savoie hantins
De gelines et de pocins :
Il me venoient pooillier
Et entre les jambes bechier.
Qant une en pooie tenir
O moi la covenoit venir ;
Ne li avoit crier mestier,
A la mort l’estovoit luitier.
Mainte en ocis en tel maniere,
Une en fis-ge porter en biere
Devant Dant Noble le Lion
Que je ocis en traïson ;
Mès icele me fu tolue,
S’en dut ma gole estre pendue.
Onc vaillant l’éle d’un pinçon
N’oi-je voir se de l’autrui non :
Page:Le Roman du Renart, 1826, tome 2.djvu/140
Le texte de cette page a été corrigé et est conforme au fac-similé.
