Le texte de cette page a été corrigé et est conforme au fac-similé.
Contre li ses maris Grimbiers
Vint ki viesti estoit de piers,
Dame, à vous siervir m’otroi tout mon vivant.
Ensi descendent cantant tuit Un et autre par moult grant bruit.
Anuis seroit de tout nomer,
Et de lor cançons raconter ;
Mais tant vous di que le mengier
Ot fait Renart aparillier
Com pour assir deus tans de gens,
Dont vint Cerastes li sierpens
Au Roi Noblon et l’acola,
Lui et les siens li presenta
A faire son conmandement.
Li cos Basiles ensement
Li presenta ; et li Rois eus,
Renars et od lui Orghilleus
Ont fait en haut l’euwe corner.
Conmunement vont tuit laver,
Fors que li grant signor laverent
Premiers et lor mains essuerent.
