Et Roonels les mains li loie.
Or est Renars en male voie,
Que il fist moult foul serement :
F… avoit dame Hersent.
Il ert de grant sainctité plains ;
Il n’estoit ne sos, ne vilains ;
En son cuer a bien porvéu,
Por le grant duel qu’il a éu.
: Au Roy est venus erranment,
Si le salue douchement.
Li Roys se drecha en estant ;
Il n’est frères que il aint tant,
Moult le desirroit à veoir.
De coste lui le fist seoir,
Et il s’i assiet sans dongier.
Le Roy commence à losangier
Pour Dieu li ottroit…
En son langage doucement,
Por Renart le va sermonent ;
En son langage vost parler,
Et le Roi moult bien honorer,
Que Renart voloit délivrer,
Se vers lui le péust trover :
Gentiz Rois, dist-il, entendez,
Et à ma parole escoutez :
Ne puet avoir ou Dieu estat
Qui ne pardone aucun pecat.