Ensi le rachata li frères.
Par tel conseil con sai donart
Si en laissiez venir Renart.
Por vostre amor sui ci venuz,
Et que Renars ne soit penduz.
Moult fort pria l’enperador
Qu’il ne créust losanjador ;
El siècle ne font el que mal,
La paine en auront infernal.
Porquant, se Renars est vaincuz,
Donez-le-moi, si ert randuz,
Bons Rois, et por t’arme espurgar ;
Encor porra bien Dieu amar.
Sire, por Dieu, le nos donaz ;
De Renart vos sui afigaz ;
Moine en ferons, Dieu servira,
Sa vie en l’ordre amandera.
Aviaz ! dist-il, emperador,
Diex ne viaut mort de pecator ;
Ament soi, si face aucun bien,
Sauver se puet, s’il lui ne tient,
Selonc l’estat dou gorpillage ;
Iert toz jorz mais ou moniage.
Si sera moinnes ordonnés ;
Rois, le me pooès ottrier,
Si en ferai moigne cloistrier ;
Se il est destruis ch’iert pechiés :