le ſemblable en pareil courage d’amitié : car nos premiers deſſeins n’eſtans plus, il nous faut oublier nos amours, nō pour les tourner en haine, mais en vne affection officieuſe, telle que ſera celle dont ie vous aimeray, pourueu que ie re cognoiſſe que vous ne me deceurez pas. Prodile. Ce que vous dites eſt vray, & i’y obtemperé, mais ie ne ſçaurois effacer l’amour, parquoi ie requiers ou que vous me recompenſiez de pareille penſee, ou que vous me donniez moyen de vous aimer ſans paſſion.
L’Empereur confere auec la Souueraine & les Seigneurs & Dames du Conſeil, & apres pluſieurs auis demelez chacun retourné en ſa place, il fut conclud & ſa maieſté prononça l’arreſt.
L’vnité de vos volontez ſ’eſtant trouuee en voſtre auanture, il eſt ordonné que vous changerez d’affections ſi vous pouuez, ſinon vous vous reduirez à cc que la commodité vous offrira comme l’honneur le permet.
Apres ceſte cy pluſieurs cauſes d’Amour furēt plaidees & iugees, au contentement de ceux auſ quels il eſcheoit. Mais vous petits eſprits, qui aboyez les courages nez à la reputation, c’eſt icy que ie prepare le glaiue qui tranchera voſtre envie, ce qui ſera gracieux aux cœurs debonnaires, deuiendra le venin qui vous fera mourir en voſtre malice, retirez vos yeux de deſſus ces pour traicts du ſouuerain bien : Vous les autres qui eſtes ces belles ames qui fauoriſez les courages d’Amour, approchez vous, leuez le voile de ces mignons diſcours, & raſſaſiez vous des bonnes delices que ceſte pellicule de paroles enuelope.
