Le conſeil a ordonné que Serafiſe continuera à iuger prudemment de ce qu’elle deura à Conſtant, afin qu’il ſoit recompenſé des afflictions de ſon cœur à ſon occaſion s’il ſe treuue digne d’eſtre gratifié de ſes faueurs. Auſſi conſtant demeurera fidele à celle qui reçoit la gloire a eſtre parfaite Amante.
Humilitez de Viuarambe à ſa Royne. La Chambre de la Tourterelle. Quitte, libre, & iouyr de ſes Amours. Amour immortel. Que c’eſt que Sentence, Arme, Deuiſe, &c. Pointe des Amours de Beleador. Les douces reproches de Calimbe à ſon Fortuné. Le frere d’Etherine vient en l’Hermitage.
Ependant que l’Empereur auoit l’eſprit attentif, Viuarambe prenant le temps ſortit pour dreſſer vne partie de muſique ſur vn ær, faict en l’honneur de ſa Royne, parquoy incontinant que l’Arreſt fut prononcé, les voix & les inſtrumens accordez ietterent comme vne bouffee de vent retenu, ces premiers accords qui furent continuez en ces vers :
Trop longtemps eſloigné de vos belles lumieres,
Je perdois tout eſpoir de vie & de bon-heur,
