Page:Le Voyage des princes fortunez - Beroalde, 1610.pdf/743

700

Le uoyage des Princes

ont intelligence mutuelle. C’eſt auſſi la marque de l’intention de quelqu’vn, qu’il deſigne par ce moyen qui luy eſt particulier, ou bien c’eſt vne certaine conuenance claire, mais particuliere à certains qui l’ont entrepriſe enſemble. Armoyrie ou arme eſt vn ſigne ayant champ, couleur & figure, ou champ ſeulement, & ne doit ſignifier aucun nom de famille, ſi elle n’eſt fort ancienne, & auſſi ne faut, & n’eſt ſeant qu’elle ſoit Deuiſe, ou qu’elle la porte ou la ſignifie ; Si d’auanture ce n’eſt en quelque tournoy, où la deuiſe eſt iointe aux armes, en faueur des Dames ; ou ſi le Souuerain ne la donne telle, pour ſignifier nobleſſe acquiſe, ou denote quelque acte genereux & extraordinaire, de quelque grād ou vaillant : Embleme eſt vn pourtrait qui peut eſtre entendu ſeul ſans eſcrit, & bien que l’on en face vn diſcours qui l’interprete, ſi eſt-ce qu’il n’y doit point eſtre ſujet, mais cognu de ſoy-meſme. Deuiſe eſt vne figure qui ſeule n’eſt qu’vn corps, qui ne porte pas toute ſon intelligence, car il faut l’ame pour l’entendre, laquelle eſt la parole qui luy eſt tellement coniointe, qu’auſſi ſeule elle ne peut rien ſignifier. Auiſe eſt vn petit propos fort ſimple ſuyuant la penſee de ſon inuenteur, & ſ’entend de ſoy mefme. Tandis que ce Sage diſcouroit, Beleador qui auoit receu quelque mauuais traitement de ſa maiſtreſſe auec laquelle il parloit, pour ſçauoir l’iſſue de ſon auanture amoureuſe, apres quelques petits deuis luy dit, Vous qui auez tenu ma vie ſi chere, qui l’auez excitee, par celà qui eſt de meilleur ! és plus agreables douceurs qui ſe conçoiuent en