m’en penſant faire, & ie vous en fais le ſeul iuge. Pour cét effect ou me conſiderez, ou bien enuoyez querir celuy que vous auez logé ſur la tour d’examen, & apres vous attribuerez le droict à celuy qui le merite. l’Empereur demanda l’aduis du Roy, de la Souueraine & des aſſiſtans. On fut d’aduis d’enuoyer là haut, donc incontinant on amena deuāt les Monarques Triſcrude que tous recognurent, on luy demanda qui l’auoit mis là haut, il n’en ſceut que dire, adonc l’eſtranger ſe fit cognoiſtre pour celuy meſme qui ſ’eſtoit dict le grand Melancolique, & fiſt raconter tout l’artifice par ſon Page. Et puis il ſe declara & fut recognu le Prince Traſite heritier du grand Triſmegiſte veritablement Seigneur des belles inuentions, & partant ſeance luy fit donnee, & depuis par effait on a cognu que ce qu’il auoit fait, n’auoit eſté qu’en intention de faire preuue de ſa valeur. Incontinant Gnoriſe requit que la porte fut fermee, ce qui fut fait, puis l’adreſſant a l’Empereur & repetant ſa remōſtrance luy dit. Entrés en la belle humeur de vos bonnes amours, & ſi vos fidelités vous le teſmoignent, oyés voſtre muſique ſouſpirer les doux accens que vous donnaſtes à l’aer, incontinant que ceſte belle affection vous eut touché.
J’honore des beautex des belles la premiere,
Je ſers des plus beaux jeux la plus belle lumiere,
Ie uou mes deſirs à la perfection.
Mon ame heureuſement en ſon amour s’eſleue,
Et mō deſſein parfait qui ma fortune acheue,
M’offre l’vnique obicci de toute affection.
