Page:Le Voyage des princes fortunez - Beroalde, 1610.pdf/833

786

Le uoyage des Princes

homme qui ſçait cacher ce qu’il faut tenir ſecret & manifeſter les paroles qui ſont propres à contenter le monde, luy diſt, Sire Nos ſeules affections nous conduiſent, & ſelon qu’elles ſont nettes, nous fourniſſent de beaux deſſeins : Mais il faut que la reigle raiſonnable y ſoit, car autrement en voulant imiter ceſte action du tout ſaincte, & vertueuſe, on ſent vne contrarieté qui contriſte le genie & renuerſant les imaginations faict choir en des extrauagances melancholiques. Mais il faut fuir ceſte piteuſe reſolution, & ayant des deſirs accomplis en bien, les reigler par la vertu : ſelon ceſte loy quand l’amour m’a eſlancé i’ay ſouſpiré d’amour, & me determinant à ſuyure ſon enſeigne, ie m’y ſuis maintenu ſelon ce que i’y auois trouué d’exquis, en l’eſpluchant par les plus auantureuſes recherches de ce qui eſt de ceſte paſſion ayant touſiours eu le cœur en bon lieu, ſans rien aimer de bas, ny rechercher le contemtible, ains volant hardiment à ce qui eſt galant, & de merite. Et pource qu’il n’eſt pas ſeant à vn bel eſprit qui ſe cognoiſt beaucoup capable, de n’auoir qu’vn ſuiect de tranſport apres les belles idees, ie me ſuis mis à ſuiure brauement pluſieurs obiects, pour en auoir le plaiſir par cognoiſſance ou iouyſſance. Il eſt vray qu’à chaſque fois vn ſuiect vnique me retenoit. Tellement que ſi le deſir m’agittoit pour ce qui eſt recognu Amour, ie n’auois qu’vne maiſtreſſe bien que pluſieurs autres deſſeins m’emportaſſent en meſme temps, d’autant qu’vn ſeul ne pouuoit m’occuper, & toutefois ſelon ce qui ſ’offroit il ny auoit qu’vne eſpece particu-