vous ay promiſe, il m’eſt auis que vous ne de uez point deſirer que i’en cherche autre teſmoignage.
L’Empereur de retour en la sale conſent & iure les alliances, moyennāt qu’il ayt Etherine. Le Cenotafe du Prince François eſt ordonné. L’Empereur embraſſe Etherine.
A Sale eſtant ouuerte, le bon Meliquaſte ramena l’Empereur, lequel on fiſt aſſeoir où parauant il eſtoit : Et la Souueraine luy diſt, Sire auant que nous paſſions outre il eſt conuenable que vous nous declariez ce que vous eſtes venu chercher icy, & pourquoy vous y eſtes acheminé. L’Empereur. Madame ie recognois icy voſtre Souueraineté, & vous declare naiuement que ie ſuis venu en ce lieu Pelerin d’Amour, rendre mes vœux à l’honneur, pour y trouuer l’alegement qui m’a eſté promis, & aſſeuré par les Princes, deſquels iamais le Cōſeil ne m’a deceu, auſſi ie ſuis tout certain de trouuer mon bien en ce pais : Et pource ie vous prie en ſuiuant l’arreſt prononcé fidellement pour moy, que ſelon les loix & ſtatuts de ceans puis que ie m’y ſuis ſoubmis, i’obtiene ce qui m’eſt octroyé. Que l’affliction mortelle qui m’a preſſé depuis ma perte, ſoit iointe à ma repentance, en ſatisfaction & reparation de ma faute & offence, que mes ſouffrances tant difficiles me ſoyent vne iuſte penitence, affin que ie trouue fin à mes calamitez. La Sovveraine. La circonſtance du temps, l’eſtat des affaires, la raiſon de ceſte aſſemblee, la diſpoſition des eſprits,