Et li donna propre nature.
Tout ordena si sagement
Que nuls hons ne puet, s’il ne ment,
Dire que defaust i puist estre,
Que desus lui n’a point de mestre.
Mès ce qu’il avoit ordenei
Est mué et si mal menei
Qu’il convient par droite raison
Que près soion de la saison
En quoi le monde finera,
Ou Dieu autre monde fera.
Raison i fait fort argument,
Au premier, quant sans instrument
Il plut a Dieu le monde fere
Et il vout de limon pourtraire
Homme et fourmeir a son ymage.
A l’omme fist teil avantage
Que des bestes le fist seignour
Et en noblece le greignour.
Mès or est du tout berstorné
Ce que Diex avoit atourné,
Que hommes sont devenus bestes.
Devers terre portent les testes :
Ne lour chaut fors de terre avoir.
De Dieu ne veulent riens savoir :
Onques vers le ciel ne regardent,
Dire qu’il i ait point de deffaute,
Car nul n’a mestrise si haute.
