Pour avoir bonne menjouere ;
Mout s’estudie qu’il puist plere :
En barat et en fausetei
A son engin du tout getei.
Il a tant alei et venu
Que ja mès ne sera tenu
N’arestei par frain ne par bride.
Il court par tout et point et ride,
Par fortune va sans reson
Et si regne en toute seson ;
Pour soi hauchier mout s’estudie
Eu doctrinal de flaterie,
Si que faus puisse bien polir,
Verité tere et droit tolir.
Sa diffinition sus mise
Ai desclerie, or te souffise.
Des or mès dirai la maniere,
En continuant ma matiere,
Comment et pour quoi ce puet estre
Que Fauvel fet le monde pestre,
Et comment et grant et petit
Ont en lui torchier appetit.
Diex, le roy de toute puissance,
Qui tout a a sa cognoissance,
Quant il fist au commenchement
Le monde gloriosement,
Ordena toute creature
306 A contruuant (? sur grattage) — Les v. 307-8 se lisent ainsi dans E :
Comment et pour quoi ce seuronde
Que Fauvel fait pestre le monde,
